• GLITTERS | பளபள

இந்தியா-சீனா எல்லை: ராணுவ வீரர்கள் தாக்கி கொண்ட வைரல் வீடியோ!


- ஆதித்ய ராமநாதன்





கடந்த 2020-ம் ஆண்டு இந்திய மற்றும் சீன ராணுவ வீரர்களிடையே எல்லையில் ஏற்பட்ட பயங்கர மோதல் குறித்த வீடியோ காட்சி ஒன்று வெளியாகி வைரலாகி வருகிறது.

கடந்த ஆண்டு ஜூன் மாதம் 15-ம் தேதி சீனா ராணுவ வீரர்கள் இந்தியாவின் எல்லை பகுதியில் கூடாரம் அமைக்க முயற்சித்தபோது அதனை இந்திய ராணுவ வீரர்கள் தடுக்க முயன்றனர். இதையடுத்து இந்திய ராணுவ வீரர்களுக்கும், சீன ராணுவ வீரர்களுக்கும் இடையே பயங்கர மோதல் ஏற்பட்டது. 1963-ல் ஏற்பட்ட இந்திய - சீன ஒப்பந்தப்படி இரு நாட்டு வீரர்களும் துப்பாக்கி பயன்படுத்தக் கூடாது என்பதால், கம்பிகளாலும் கற்களாலும் ஒருவரை ஒருவர் தக்கி கொண்டனர். இதில் இந்திய ராணுவ வீரர்கள் 20 பேர் உயிரிழந்ததாக தகவல் வெளியானது. சீனா தங்கள் ராணுவ வீரர்கள் 4 பேர் மட்டுமே உயிரிழந்தாதக் தெரிவித்தது.ஆனால் அமெரிக்கா உள்ளிட்ட பல நாடுகளும் சீன ராணுவ வீரர்கள் அதிகம் பேர் இந்த தாக்குதலில் பலியானதாக தெரிவித்தது. மேலும் நம் நாட்டு எல்லையில் கடந்த 1962-ஆம் ஆண்டுக்கு பிறகு ஏற்பட்ட மோசமான தாக்குதல் இதுவே என்றும் கூறப்படுகிறது.

இந்நிலையில் இந்த சம்பவம் தொடர்பான வீடியோ ஒன்று வெளியாகி பெரும் பரபரப்பை ஏற்படுத்தியுள்ளது. அந்த வீடியோவில் சிலர் ராணுவ கூடாரம் ஒன்றை நீக்க முயற்சித்த போது அவர்களுடன் சீன ராணுவத்தினர் மோதுவது போன்ற காட்சியும், இந்திய ராணுவத்தை நோக்கி கற்களை வீசுவது போலவும் காட்சிகள் பதிவாகியுள்ளது.

மேலும் சீன ராணுவம் அந்தத் தாக்குதலில் காயமடைந்த வீரர்களை குளிர்ச்சியான நீர் நிறைந்த கால்வான் நதியில் சிரமப்பட்டு தூக்கி செல்வது போன்ற காட்சிகளும் உள்ளது. சீன மற்றும் இந்திய நாடுகளுக்கிடையே எல்லை விவகாரத்தில் உடன்பாடு எதுவும் ஏற்படாத நிலையில் தற்போது இந்த வீடியோ வெளியாகி இருப்பது பெரும் சர்ச்சையை கிளப்பியுள்ளது.

Twitter : https://twitter.com/i/status/1422352477664464897

Comments

உங்கள் கருத்தைப் பதிவு செய்க :