• JUST IN | சுட சுட

கோக் வேணாம்: தண்ணீரே போதும்! அசத்திய ரொனால்டோ!





போர்ச்சுக்கல் கால்பந்து வீரர் கிறிஸ்டியானோ ரொனால்டோ, பிரெஸ்மீட்டின் போது, மேஜையின் மீதிருந்த கோகோ-கோலா பாட்டில்களை அகற்றிவிட்டு தண்ணீர் பாட்டிலை வைத்த வீடியோ சமூக வலைத்தளங்களில் வைரலாகி வருகிறது.

யூரோ 2020 கால்பந்து தொடரில் போர்சுக்கல் நாட்டின் ஆட்டத்திற்கு முன்னதாக நடந்த பத்திரிகையாளர் சந்திப்பில் கிறிஸ்டியானோ ரொனால்டோ கோகோ-கோலா பாட்டில்களை அகற்றிவிட்டு தண்ணீர் பாட்டிலை வைத்த சம்பவம் பெரும் பரபரப்பை ஏற்படுத்தி வருகிறது. அந்த வைரல் வீடியோவில், பத்திரிகையாளர் சந்திப்புக்கு ரொனால்டோ வந்தவுடன் மேஜையின் மீது கோலா பாட்டில்கள் இருந்ததை பார்த்து அதிருப்தியடைந்தார். உடனே முன்னால் இருந்த 2 கோலா பாட்டில்களை எடுத்து விட்டு , தண்ணீர் பாட்டிலை தூக்கி , ` அகுவா ` என தெரிவித்ததோடு ( தண்ணீருக்கான போர்ச்சுக்கீசிய வார்த்தை ) மக்கள் குளிர்பானங்களுக்கு பதிலாக தண்ணீர் குடிக்க வேண்டும் என்று சமிக்ஞை செய்தார் . இந்த பத்திரிகையாளர் சந்திப்பில் போர்ச்சுகல் அணியின் மேலாளர் பெர்னாண்டோ சாண்டோஸ் கலந்து கொண்டார் . ஆனால் அவர் தன் முன் வைக்கப்பட்டிருந்த கோலா பாட்டில்களை அகற்றவில்லை .

யூரோ 2020 போட்டிக்கான ஸ்பான்சர்களில் கோகோ கோலாவும் ஒன்றாகும். மேலும் ஐந்து முறை சாம்பியன் பட்டம் வென்ற ரொனால்டோவுக்கு எதிராக இந்த சம்பவம் குறித்து யுஇஎஃப்ஏ இதுவரை நடவடிக்கை எதுவும் எடுக்கவில்லை. நடப்பு சாம்பியனான போர்ச்சுகல் இன்று (ஜூன் 15) தேதி நடைபெறும் போட்டியின் முதல் ஆட்டத்தில் ஹங்கேரியை எதிர்கொள்கிறது.

(யூரோ 2020 போட்டி, போர்ச்சுக்கல் கால்பந்து அணி, கோக் வேணாம், தண்ணீரே போதும், ரொனால்டோ)

Comments

உங்கள் கருத்தைப் பதிவு செய்க :