• JUST IN | சுட சுட

உகாண்டாவில் அமைச்சரைக் கொல்ல நடந்த சதி: அமைச்சர் மகள் பலி!





கிழக்கு ஆப்பிரிக்க நாடான உகாண்டாவில் அதிபர் யோவேரி முசவேனி தலைமையிலான ஆட்சி நடந்து வருகிறது. இவரது அமைச்சரவையில் தொழில் மற்றும் போக்குவரத்து துறை அமைச்சராக உள்ளவர் கட்டும்பா வாமலா. முன்னாள் ராணுவ தளபதியான இவர் கடந்த 2019-ம் ஆண்டு அமைச்சராகப் பொறுப்பேற்றார்.

இந்த நிலையில் 64 வயதான மந்திரி கட்டும்பா,

உகாண்டாவின் தலைநகர் கம்பாலாவில் உள்ள புறநகர் பகுதியில் தனது காரில் சென்று கொண்டிருந்தார். காரில் அவரது இளம்வயது மகள் நாந்தோங்கோ உடன் இருந்தார்.

அப்போது சற்றும் எதிர்பாராத வகையில் மர்ம நபர்கள் சிலர் கட்டும்பா வாமலாவின் கார் மீது சரமாரியாக துப்பாக்கியால் சுட்டனர். இதில் அவரது மகள் நாந்தோங்கோ மற்றும் கார் டிரைவர் ஆகியோர் காருக்குள்ளேயே இறந்தனர்.ஆனால், கட்டும்பா வாமலா காயங்களுடன் உயிர் தப்பினார். அவர் தற்போது ஆஸ்பத்திரியில் அனுமதிக்கப்பட்டு சிகிச்சை பெற்று வருகிறார். அவர் நலமாக இருப்பதாக டாக்டர்கள் தெரிவித்துள்ளனர்.

உகாண்டாவில் அமைச்சரைக் கொலை செய்ய நடந்த சதியில் அவரது இளம்வயது மகள் கொல்லப்பட்டது நாடு முழுவதும் சோகத்தை ஏற்படுத்தியுள்ளது.

Comments

உங்கள் கருத்தைப் பதிவு செய்க :