• JUST IN | சுட சுட

ஸ்டெர்லைட்டை ஆக்ஸிஜன் தயாரிக்க அனுமதிக்கலாம்: மத்திய அரசு!





ஆக்சிஜன் மட்டும் உற்பத்தி செய்ய தூத்துக்குடி ஸ்டெர்லைட் ஆலையை அனுமதிக்கலாம் என மத்திய அரசு தெரிவித்துள்ளது.

தூத்துக்குடியில் செயல்பட்டு வந்த வேதாந்தா நிறுவனத்தின் ஸ்டெர்லைட் ஆலை சில வருடங்கள் முன்னதாக மூடப்பட்டது. அதை மீண்டும் திறக்க அனுமதிக்க கோரி வேதாந்தா நிறுவனம் மனு தக்கல் செய்தது. இந்நிலையில் தற்போது நாடு முழுவதும் கொரோனா பாதிப்பு அதிகரித்துள்ளதால் மருத்துவமனைகளில் ஆக்ஸிஜன் பற்றாக்குறை எழுந்துள்ளது. இதனால் நாடு முழுவதும் பல நிறுவனங்கள் ஆக்ஸிஜன் உற்பத்தியில் தீவிரம் காட்டி வருகின்றன.

இதனிடையே, ஸ்டெர்லைட்டில் உள்ள ஆக்ஸிஜன் உற்பத்தி கூடத்தில் ஒரு நாளைக்கு 500 டன் ஆக்ஸிஜன் உற்பத்தி செய்ய முடியும் என்றும், அவசர நிலை கருதி ஸ்டெர்லைட் ஆலை இயங்க அனுமதிக்க வேண்டும் என்றும் வேதாந்தா நிறுவனம் உச்சநீதிமன்றத்தில் மனு அளித்தது. இந்நிலையில் ஆக்சிஜன் தயாரிப்பிற்காக மட்டும் ஸ்டெர்லைட் ஆலையை மீண்டும் திறக்க அனுமதிக்கலாம் என மத்திய அரசு தெரிவித்துள்ளது.

Comments

உங்கள் கருத்தைப் பதிவு செய்க :