இருமுடி கட்டு சபரிமலைக்கு!

விரதம்
ஆர்.வி.ராமானுஜம்



மாலையணிந்து விரதத்தோடு சபரிமலை

செல்வோர் கடைபிடிக்க வேண்டிய முக்கியமான சில விரத முறைகள் :

* சபரிமலை செல்ல விரும்புபவர்கள் கார்த்திகை மாதம் முதல் நாளோ அல்லது 19ஆம் தேதிக்குள்ளோ மாலை அணிய வேண்டும். கார்த்திகை மாதம் முதல் நாள், மாலை அணிந்தால் நாள் பார்க்க வேண்டாம். அதற்குப் பின் அணிபவர்கள் நல்ல நாள் பார்த்து மாலை அணிய வேண்டும். எப்படி இருந்தாலும் குறைந்தது 41 நாட்கள் விரதமிருக்க வேண்டும்.

* மாலை, துளசி மணி 108 கொண்டதாகவோ, உருத்திராட்ச மணி 54 உள்ளதாகவோ வாங்கி, அதில் ஐயப்பன் திருவுருவம் பதித்த டாலர் ஒன்றையும் இணைத்து அணிய வேண்டும்.

* தா தந்தையின் நல்லாசியுடன், குருசாமி ஒருவரின் கையால் ஆலயத்தில் பூஜை செது மாலை அணிய வேண்டும். குருசாமி கிடைக்காவிட்டால் கோயில் சென்று, கடவுள் பாதத்தில் மாலையை வைத்து, அர்ச்சகரிடம் தட்சணை கொடுத்து,

அர்ச்சனை செது ஐயப்பனையே குருவாக நினைத்து மாலையை அணிந்து கொள்ளலாம். அல்லது கடவுளின் பிரதிநிதியான தமது தாயிடம் ஆசீர்வாதம் வாங்கி அவர்களது கையால் மாலையை அணிந்து கொள்ளலாம். இவ்வாறு மாலை அணிந்த பின்பு கோபதாபம், குரோதம், விரோதம் கொள்ளக்கூடாது. அண்டை, அயலாருடன் விரோதம் மறந்து, சிநேகம் பாராட்டி, பணிவுடன் பழகவேண்டும். இயற்கையின் படைப்புகள் எல்லாவற்றையுமே இறைவனின்

சோரூபமாகப் பார்க்க வேண்டும்.

* காலையில் சூரிய உதயத்துக்கு முன்பும், மாலை யிலும் குளிர்ந்த நீரில் நீராடி கோயில்களிலோ, வீடு களிலோ ஐயப்பனை மனதார நினைத்து சரணங்கள் கூறி வணங்க வேண்டும்.

* கருப்பு, நீலம், காவி, பச்சை நிற வேட்டி,

சட்டை அணிந்து, பிரம்மச்சரிய விரதத்தை முழுமை யாகக் கடைபிடிக்க வேண்டும்.

* மாலையை எக்காரணம் கொண்டும் கழற்றக் கூடாது. ரத்த சம்பந்தமுள்ளவர்களின் மரணம் ஏற்பட்டால் குருசாமியிடம் சென்று மாலையை கழற்றிய பிறகு, துக்கத்தில் கலந்துகொள்ளலாம்.

* ஏதாவது ஒரு காரணத்தால் மாலையை கழற்ற நேர்ந்தால் அந்த ஆண்டு சபரிமலை செல்லக்கூடாது.

* பெண்களின் சடங்கு வைபவத்துக்கோ, குழந்தை பிறந்த வீட்டுக்கோ செல்லக்கூடாது.

* மது, மாமிசம், புகை பிடித்தலை விட்டுவிட வேண்டும். மாலை அணிந்த பக்தர்களின் வீட்டில்

உணவு உட்கொள்ளலாம். மற்றவர்கள் வீட்டில் பால், பழம் மட்டுமே சாப்பிடலாம்.

* பெண்கள் வீட்டு விலக்காகும் காலத்தில், ஏழு நாட்கள் கழித்த பின்னர்தான் அவர்கள் சமைத்த உணவை உண்ண வேண்டும்.

* காலணிகள் பயன்படுத்தக்கூடாது.

* கன்னி சாமிகள் தங்களின் வசதிக்கேற்ப வீடு களில் பூஜைகள் நடத்தி ஐயப்பன்மார்களுக்கும் ஏழை களுக்கும் அன்னதானம் செவிக்கலாம்.

* எதிர்ப்படும் ஐயப்ப பக்தர்களை ஐயப்பனாகவும், பெண்களை மாளிகைப் புறத்தம்பிகையாகவும் கருதிப் பழக வேண்டும். மற்றவர்களிடம் பேசும்பொழுது

சாமி சரணம் எனத் தொடங்கி, விடைபெறும் பொழுது, ‘சாமி சரணம்’ எனக் கூற வேண்டும்.

* இருமுடிக் கட்டு பூஜையை வீட்டிலோ, குரு

சாமி இடத்திலோ, கோயில்களிலோ வைத்து நடத்த வேண்டும்.

* சபரிமலைப் பயணம் புறப்படுகையில் யாரிடமும், ‘போ வருகிறேன்’ எனக் கூறக்கூடாது.

* பம்பை நதியில் நீராடும்பொழுது மறைந்த தமது முன்னோர்களை நினைத்து அவர்களுக்கு ஈமக் கடன் களைச் செது நீராட வேண்டும்.

* யாத்திரை முடிந்து வீடு திரும்பியதும், ஐயப்பனின் அருள் பிரசாதக் கட்டினைத் தலையில் ஏந்தியபடியே வீட்டு வாயில்படியில்

விடலைத் தேங்கா அடித்து வீட்டினுள் நுழைய வேண்டும்.வீட்டு பூஜை அறையில் பூஜை செது, கட்டினைப் பிரித்து, பிரசாதங்களை விநியோகிக்க வேண்டும்.

* யாத்திரை இனிய முறையில் நிறைவுற்றபின் குருநாதர் அல்லது தாயார் மூலம் மாலை கழற்றும் போது சோல்லும் மந்திரத்தைக் கூறி மாலையைக் கழற்றி,சந்தனத்தில் நனைத்து ஐயப்பன் திருவுருவப் படத்துக்கு முன்னால் வைத்து தீபாராதனை காட்டி விரதம் முடிக்க வேண்டும்.

ஸ்வாமியே சரணம் ஐயப்பா!

Comments

உங்கள் கருத்தைப் பதிவு செய்க :