சத்தான தினை வெஜிடபிள் கிச்சடி :


Posted by-Kalki Team



சர்க்கரை நோயாளிகள் அடிக்கடி உணவில் சிறுதானியங்களை சேர்த்து கொள்வது நல்லது. இன்று தினை, காய்கறிகள் சேர்த்து கிச்சடி செய்வது எப்படி என்று பார்க்கலாம்.

தேவையான பொருட்கள் :

தினை - 1 கப்

கேரட், பீன்ஸ், பட்டாணி - தேவையான அளவு

தக்காளி - 1

முருங்கை இலை - 1 கைப்பிடி

இஞ்சி விழுது - சிறிதளவு

எலுமிச்சை - ½ டீஸ்பூன்

முந்திரி - 10

கொத்தமல்லி, கறிவேப்பிலை - சிறிதளவு

செய்முறை :

தினையை வெறும் கடாயில் போட்டு வறுத்து எடுத்துக்கொள்ள வேண்டும்.

காய்கறிகள், கொத்தமல்லி, தக்காளியை பொடியாக நறுக்கி கொள்ளவும்.

முருங்கை கீரையை நன்றாக கழுவி சுத்தம் செய்து கொள்ளவும்.

வாணலியில் எண்ணெய் ஊற்றி சூடானதும் கடுகு, சீரகம், முந்திரி, சிவப்பு மிளகாய், கறிவேப்பிலை சேர்த்து தாளித்த பின்னர் நறுக்கிய கேரட், பீன்ஸ், தக்காளி, இஞ்சி விழுது, முருங்கை இலை சேர்த்து சிறிது நேரம் வதக்கி, 2 கப் தண்ணீர் சேர்த்து கொதித்தவுடன் தினை சேர்த்து, அதில் எலுமிச்சை சாறு, உப்பு, கொத்தமல்லி சேர்த்து குக்கரில் 2 விசில் விட்டு இறக்கவும்.

சத்தான தினை வெஜிடபிள் கிச்சடி ரெடி.


Post Comment

Post Comment