சாதத்திற்கு அருமையான காளான் மிளகு மசாலா :


Posted by-Kalki Team



சாதம், தோசை, நாண், சப்பாத்தி, சாம்பார் சாத்திற்கு தொட்டுக்கொள்ள அருமையாக இருக்கும் இந்த காளான் மிளகு மசாலா. இன்று இதன் செய்முறையை பார்க்கலாம்.

தேவையான பொருட்கள் :

காளான் - 250 கிராம்

பூண்டு - 4 பல்

வெங்காயம் - 1

குடை மிளகாய் - பாதி

மஞ்சள் தூள் - ஒரு சிட்டிகை

கறிவேப்பிலை - சிறிதளவு

கொத்தமல்லி - சிறிதளவு

மிளகு தூள் - காரத்திற்கு ஏற்ப

காய்ந்த மிளகாய் - 2

எண்ணெய், உப்பு - தேவைக்கு

செய்முறை :

வெங்காயம், குடைமிளகாயை நீளவாக்கில் வெட்டிக்கொள்ளவும்,

கொத்தமல்லி, பூண்டை பொடியாக நறுக்கி கொள்ளவும்.

காய்ந்த மிளகாயை கொரகொரப்பாக அரைத்து கொள்ளவும்.

கடாயை அடுப்பில் வைத்து சூடானதும் எண்ணெய் ஊற்றி பூண்டை போட்டு தாளித்த பின்னர் வெங்காயம், கறிவேப்பிலையை போட்டு வதக்கவும்.

வெங்காயம் முக்கால் பாகம் வதங்கினால் போதுமானது.

அடுத்து அதில் மஞ்சள் தூள், குடை மிளகாய் சேர்த்து வதக்கவும்.

அடுத்து அதில் காளான், உப்பு சேர்த்து வதக்கவும். தண்ணீர் ஊற்றத்தேவையில்லை. இதிலேயே தண்ணீர் இருக்கும்.

காளான் வெந்தவுடன் அதில் மிளகு தூள், கொரகொரப்பாக பொடித்த காய்ந்த மிளகாய் போட்டு 5 நிமிடம் மூடி வைத்து வேக விடவும்.

கடைசியாக கொத்தமல்லி தழை தூவி இறக்கி பரிமாறவும்.

சூப்பரான காளான் மிளகு மசாலா ரெடி.


Post Comment

Post Comment