சூப்பரான உருளைக்கிழங்கு ஜவ்வரிசி வடை :


Posted by-Kalki Team



ஜவ்வரிசியில் பாயாசம் செய்து இருப்பீங்க. இன்று ஜவ்வரிசி, உருளைக்கிழங்கு வைத்து சூப்பரான வடை செய்வது எப்படி என்று பார்க்கலாம்.

தேவையான பொருட்கள்

உருளைக்கிழங்கு - 5,

ஜவ்வரிசி - 1 கப்,

எலுமிச்சைச்சாறு - 1/2 பழம்,

சோம்பு - 1 டீஸ்பூன்,

உப்பு, எண்ணெய் - தேவைக்கு,

பச்சைமிளகாய் - 3,

கொத்தமல்லித்தழை - சிறிது,

முந்திரிப்பருப்பு - 20.

செய்முறை :

ப.மிளகாய், கொத்தமல்லியை பொடியாக நறுக்கி கொள்ளவும்.

உருளைக்கிழங்கை வேகவைத்து மசித்து கொள்ளவும்.

ஜவ்வரிசியை 5 மணி நேரம் ஊறவைக்கவும். முந்திரியை தனியாக ஊறவைத்து, இரண்டையும் ஒன்றாக கலந்து அரைத்துக் கொள்ளவும்.

மசித்த உருளைக்கிழங்கில் அரைத்த ஜவ்வரிசி, முந்திரி கலவை, உப்பு, கொத்தமல்லித்தழை, பச்சைமிளகாய், சோம்பு, எலுமிச்சைச்சாறை சேர்த்து வடை மாவு பதத்தில் பிசைந்து கொள்ளவும்.

கடாயை அடுப்பில் வைத்து எண்ணெய் ஊற்றி சூடானதும் மாவை சிறு உருண்டையாக எடுத்து வடையாக தட்டி சூடான எண்ணெயில் போட்டு பொரித்தெடுத்து பரிமாறவும்.

சூப்பரான உருளைக்கிழங்கு ஜவ்வரிசி வடை ரெடி.


Post Comment

Post Comment