கொள்ளு மிளகு ரசம் :


Posted by-Kalki Team



உடல் எடையை குறைக்க விரும்புபவர்கள் அடிக்கடி உணவில் கொள்ளுவை சேர்த்து கொள்ளலாம். இன்று கொள்ளு மிளகு ரசம் செய்வது எப்படி என்று பார்க்கலம்.

தேவையான பொருட்கள் :

பெரிய வெங்காயம் - 250 கிராம்

பிரிஞ்சி இலை - 10 கிராம்

முழு மிளகு - 15 கிராம்

ஏலக்காய் - 5 கிராம்

மிளகாய்த்தூள் - 20 கிராம்

கிராம்பு - 5 கிராம்

கொத்தமல்லித்தழைத்தண்டு - கால் கிலோ

மல்லித்தூள் (தனியாத்தூள்) - 15 கிராம்

கறிவேப்பிலை - 25 கிராம்

பூண்டு - 50 கிராம்

கொள்ளு - 100 கிராம்

எண்ணெய் - 100 மில்லி

உப்பு - தேவையான அளவு

சோம்பு - 10 கிராம்

தக்காளி - 700 கிராம்

மஞ்சள்தூள் - 10 கிராம்

மிளகு தூள் - அரை ஸ்பூன்

கொத்தமல்லித்தழை - அலங்கரிக்க

செய்முறை:

* வெங்காயம், கொத்தமல்லி தண்டு, தக்காளி, கொத்தமல்லியை பொடியாக நறுக்கி கொள்ளவும்.

* கொள்ளுப் பயறை 3 மணி நேரம் ஊற வைத்து, குக்கரில் புதுத் தண்ணீர் ஊற்றி வேக வைத்து எடுக்கவும்.

* அடுப்பில் வாணலியை வைத்து எண்ணெய் விட்டு பூண்டு, பிரிஞ்சி இலை, மிளகு, ஏலக்காய், கிராம்பு, கறிவேப்பிலை போட்டு தாளித்த பின்னர் வெங்காயம் சேர்த்து நிறம் மாற வதக்கவும்.

* அடுத்து அத்துடன் கொத்தமல்லித்தழைத்தண்டு சேர்த்து நன்கு வதக்கவும்.

* அடுத்து அதில் தக்காளி சேர்த்து கரைய வதக்கவும்.

* தக்காளி நன்றாக வதங்கியதும் இதில் சோம்பு, மல்லித்தூள் (தனியாத்தூள்), மிளகாய்த்தூள், மஞ்சள்தூள், உப்பு சேர்த்து வதக்கி தண்ணீர் சேர்த்துக் கொதிக்க விடவும்.

* இதில் வேகவைத்த கொள்ளுப் பயறைச் சேர்த்து தண்ணீர் நன்கு கொதித்ததும், வடிகட்டி சாறு எடுத்து தனியாக ஒரு பவுலில் ஊற்றவும்.

* இதில் கொத்தமல்லித்தழை, மிளகு தூள் சேர்த்துப் பரிமாறவும்.

* கொள்ளு மிளகு ரசம் ரெடி.

* விருப்பப்பட்டால், கொள்ளுப்பயறைச் சேர்த்து பரிமாறவும்.



Post Comment

Post Comment