எளிய முறையில் செய்யலாம் மாம்பழ மோர்க்குழம்பு :


Posted by-Kalki Team



மோர்க்குழம்பு அனைவருக்கும் பிடிக்கும், செய்வதும் சுலபமானது. இந்த மாம்பழ சீசனில் மாம்பழத்தை சேர்த்து மோர்க்குழம்பு செய்வது எப்படி என்று பார்க்கலாம்.

தேவையான பொருட்கள் :

மாம்பழம் - ஒன்று,

ஓரளவு புளித்த மோர் - 500 மில்லி,

காய்ந்த மிளகாய் - 2,

அரிசி, வெந்தயம் - தலா ஒரு டீஸ்பூன்,

துவரம்பருப்பு - 2 டீஸ்பூன்,

தேங்காய்த் துருவல் - ஒரு சிறிய கப்,

கடுகு - அரை டீஸ்பூன்,

எண்ணெய் - ஒரு டீஸ்பூன்,

உப்பு - தேவையான அளவு.

செய்முறை :

* மாம்பழத்தை தோல் சீவி வேகவிட்டு, மசித்துக்கொள்ளவும்.

* வாணலியில் எண்ணெய் விட்டு அரிசி, துவரம்பருப்பு, வெந்தயம், காய்ந்த மிளகாய், தேங்காய்த் துருவல் சேர்த்து வறுத்து ஆறவைக்கவும்.

* நன்றாக ஆறியதும் மிக்சியில் போட்டு அதில் சிறிதளவு தண்ணீர் விட்டு விழுதாக அரைத்து கொள்ளவும்...

* அரைத்த விழுதை மோருடன் நன்றாக கலந்து கொள்ளவும்.

* இதனுடன் உப்பு, மசித்த மாம்பழக் கூழ் சேர்த்துக் கரைத்து கொள்ளவும்.

* அரைத்த மோர் கலவையை அடுப்பில் வைத்து ஒரு கொதி வந்ததும் இறக்கவும்..

* கடாயை அடுப்பில் வைத்து எண்ணெய் ஊற்றி சூடானதும் அதில் கடுகு, கறிவேப்பிலை, காய்ந்த மிளகாய் போட்டு தாளித்து மோரில் சேர்த்து கலந்து பரிமாறவும்.

* சூப்பரான மாம்பழ மோர்க்குழம்பு ரெடி.


Post Comment

Post Comment