உடல் எடையை குறைக்கும் வரகரசி - கொள்ளு அடை :


Posted by-Kalki Team



உடல் எடையை குறைக்க விரும்புபவர்கள் அடிக்கடி உணவில் கொள்ளுவை சேர்த்து கொள்ளவும் வேண்டும். இன்று வரகரசி, கொள்ளுவை வைத்து அடை செய்வது எப்படி என்று பார்க்கலாம்.

தேவையான பொருட்கள் :

வரகரிசி - 100 கிராம்,

கொள்ளு - 25 கிராம்,

துவரம்பருப்பு, கடலைப்பருப்பு இரண்டும் சேர்ந்து - 50 கிராம்,

காய்ந்த மிளகாய் - 8,

சீரகம், பெருங்காயம் - தேவையான அளவு,

ஓமம் - சிறிதளவு,

தேங்காய் எண்ணெய் - தேவையான அளவு,

துருவிய கேரட் / கோஸ் /முருங்கைக் கீரை தளிர் - நறுக்கியது - ஒரு சிறிய கப்.

உப்பு - தேவையான அளவு.

செய்முறை :

* வரகரிசி மற்றும் கொள்ளுடன் காய்ந்த மிளகாய், சீரகம், உப்பு, பெருங்காயத் தூள், துவரம்பருப்பு, கடலைப்பருப்பு, ஓமம் என அனைத்தையும் சேர்த்து 5 மணி நேரம் ஊறவைக்கவும்.

* ஊற வைத்த பொருட்களை கொரகொரப்பாக அரைத்து 2 மணி நேரம் அப்படியே வைக்கவும்.

* 2 மணி நேரம் கழித்து நறுக்கிய கோஸ் /முருங்கைக் கீரை தளிர் இவற்றில் ஏதாவது ஒன்றை சேர்த்துக் கலந்து கொள்ளவும்.

* தோசைக்கல்லை அடுப்பில் வைத்து சூடானதும் அதில் மாவை ஒரு கரண்டி ஊற்றி சுற்றி சிறிது எண்ணெய் ஊற்றி வெந்ததும் திருப்பி போட்டு வேக வைத்து எடுக்கவும்.

* சத்து நிறைந்த வரகரசி - கொள்ளு அடை ரெடி.


Post Comment

Post Comment