சூப்பரான தேங்காய் பால் சாதம் :


Posted by-Kalki Team



பேச்சிலர்கள் செய்ய மிகவும் எளிமையானது இந்த தேங்காய் பால் சாதம். எளிய முறையில் இந்த தேங்காய் பால் சாதத்தை எப்படி செய்வது என்று விரிவாக பார்க்கலாம்.

தேவையான பொருட்கள் :

பாஸ்மதி அரிசி - 1 கப்

பெரிய வெங்காயம் - 3

வெள்ளை பூண்டு - 20 பல்

பச்சை மிளகாய் - 7

புதினா - 1 கட்டு

கொத்தமல்லி - சிறிதளவு

நெய் - தேவைகேற்ப

தேங்காய் எண்ணெய் - தேவைகேற்ப

உப்பு - தேவைகேற்ப

தேங்காய் பால் - 1 3/4 பங்கு

தாளிக்க :

பட்டை,

லவங்கம்,

கிராம்பு,

ஏலக்காய்,

அன்னாசி பூ,

கல் பாசி

செய்முறை :

* புதினா, கொத்தமல்லி, பூண்டு, ப.மிளகாய், வெங்காயத்தை பொடியாக நறுக்கி கொள்ளவும்.

* அரிசியை நன்றாக கழுவி வைக்கவும்.

* ஒரு குக்கரில் தேங்காய் எண்ணெய் மற்றும் நெய் தேவையான அளவு ஊற்றி, தாளிப்பு பொருட்களை போட்டு தாளித்த பின் நறுக்கிய வெங்காயம், பச்சை மிளகாய், பூண்டை போட்டு வதக்கவும்.

* வெங்காயம் நன்றாக வதங்கியதும் புதினா மற்றும் கொத்தமல்லி சேர்த்து நன்றாக வதக்கவும்.

* கழுவி 10 நிமிடம் ஊற வைத்த அரிசியை நீர் வடித்த பின், அதனுடன் சேர்த்து வதக்கவும்..

* பின் மேலே குறிப்பிட்ட அளவு தேங்காய் பாலை ஊற்றி கிளறவும்.

* குக்கரை மூடி 2 விசில் போட்டு இறக்கவும். விசில் போனவுடன் குக்கர் மூடியை திறந்து சிறிதளவு நெய் ஊற்றி கிளறி பரிமாறவும்.

* சூடான சுவையான தேங்காய் பால் சாதம் ரெடி.

* இதற்கு சிக்கன் கிரேவி நல்லதொரு சைட்டிஷ்.


Post Comment

Post Comment