கோதுமை ரவை - தேங்காய்ப்பால் வெஜிடபிள் கஞ்சி ;


Posted by-Kalki Team



சர்க்கரை நோயாளிகள் தினமும் கோதுமையில் செய்த உணவுகளை சேர்த்து கொள்வது நல்லது. கோதுமை ரவை, தேங்காய்ப்பால் சேர்த்து கஞ்சி செய்வது எப்படி என்று பார்க்கலாம்.

தேவையான பொருட்கள் :

கோதுமை ரவை - 1 சின்ன கிளாஸ்,

தேங்காய்ப்பால் - 1 கிளாஸ்,

பச்சைமிளகாய் - 2,

நறுக்கிய கேரட், பீன்ஸ், பட்டாணி - சின்ன கப்,

தண்ணீர், உப்பு - தேவையான அளவு,

கொத்தமல்லி - சிறிதளவு.

செய்முறை :

* கொத்தமல்லியை பொடியாக நறுக்கி கொள்ளவும்.

* கோதுமை ரவையை வெறும் கடாயில் போட்டு சிறிது வறுத்து கொள்ளவும்.

* பாத்திரத்தில் சிறிதளவு தண்ணீர் ஊற்றி, அதில் நறுக்கிய காய்கறிகளைப் போட்டு, உப்பு, பச்சைமிளகாய் சேர்த்து வேகவிட வேண்டும்.

* காய்கறிகள் அரை வேக்காடு வெந்ததும், அதில் தேங்காய்ப்பால் மற்றும் வறுத்த கோதுமை ரவையைச் சேர்த்துக் கொதிக்கவிட வேண்டும்.

* கோதுமை ரவை வெந்ததும், கொத்தமல்லித் தழையைத் தூவி இறக்க வேண்டும்.

* சத்துநிறைந்த கோதுமை ரவை - தேங்காய்ப்பால் கஞ்சி ரெடி.

பலன்கள்: சர்க்கரை நோயாளிகள் அடிக்கடி சாப்பிட்டுவர, சர்க்கரையின் அளவு கட்டுக்குள் இருக்கும். காய்கறிகள் சேர்வதால் தாதுக்கள், வைட்டமின்கள், நார்ச்சத்து கிடைக்கும்.


Post Comment

Post Comment