சளித்தொல்லைக்கு உகந்த தூதுவளை ரசம் :


Posted by-Kalki Team



சளித்தொல்லையால் அவதிப்படுபவர்கள் இந்த ரசத்தை வைத்து குடிக்கலாம். இதை எப்படி செய்வது என்று பார்க்கலாம்.

தேவையான பொருட்கள் :

ரசத்திற்கு தட்டிக் கொள்ள :

தூதுவளை - ஒரு கைபிடி

பூண்டு - 5 பல்

சின்ன வெங்காயம் - 5

மிளகாய் வற்றல் - 1

மிளகு - 1 டீஸ்பூன்

சீரகம் - 1 டீஸ்பூன்

தக்காளி - விரும்பினால்

தாளிக்க :

எண்ணெய் - 2 டேபிள்ஸ்பூன்

கடுகு, வெந்தயம் - அரை டீஸ்பூன்

கறிவேப்பிலை - 2 இணுக்கு

மஞ்சள் தூள் - கால் டீஸ்பூன்

பெருங்காயம் - சிறிது

ரசப்பொடி - 1 டீஸ்பூன்

புளி - சிறிய எலுமிச்சை அளவு

பருப்பு வேக வைத்த தண்ணீர் - சிறிது பருப்புடன்

உப்பு - தேவைக்கு.

செய்முறை :

* புதிய தூதுவளை வாங்கி ஆய்ந்து சுத்தம் செய்து கொள்ளவும்.

* புளியை தேவையான தண்ணீர் சேர்த்து கரைத்து கொள்ளவும்.

* ஒரு கடாயில் சிறிது எண்ணெய் விட்டு ரசத்திற்கு கொடுத்துள்ள பொருட்களை போட்டு வதக்கிக் ஆறவைத்து மிக்சியில் போட்டு ஒரு சுற்று சுற்றி எடுக்கவும்.

* அதே கடாயில் எண்ணெய் விட்டு கடுகு, வெந்தயம், கறிவேப்பிலை போட்டு தாளித்த பின் மிக்சியில் அரைத்ததை போட்டு வதக்கவும்.

* அடுத்து மஞ்சள் தூள், பெருங்காயம், ரசப்பொடி சேர்த்து நன்கு வதக்கவும்.

* புளித்தண்ணீர் சேர்க்கவும். தண்ணீருடன் பருப்பும் விரும்பினால் சேர்க்கவும். தேவைக்கு உப்பு சேர்க்கவும்.

* கொதி வரவும் அடுப்பை அணைக்கவும்.

* சுவையான ஆரோக்கியமான தூதுவளை ரசம் ரெடி.

* அப்படியே சூப் போல் குடிக்கலாம். அல்லது சுடு சாதத்தில் பிசைந்தும் சாப்பிடலாம். இந்த ரசம் சளித்தொல்லைக்கு மிகவும் நல்லது.


Post Comment

Post Comment