சுவையான சத்தான கோதுமை ரவை பொங்கல் :


Posted by-Kalki Team



டயட்டில் உள்ளவர்கள், வயதானவர்கள் கோதுமை ரவையில் செய்த உணவுகளை அடிக்கடி செய்து சாப்பிடுவது மிகவும் நல்லது.

தேவையான பொருட்கள் :

கோதுமை ரவை - 1 கப்

பாசிப்பருப்பு - 1/4 கப்

கறிவேப்பிலை - சிறிது

மிளகு - 1/2 டீஸ்பூன்

சீரகம் - 1/2 டீஸ்பூன்

ப.மிளகாய் - 2

இஞ்சி - சிறிய துண்டு

முந்திரி - 2

எண்ணெய் - 3 டீஸ்பூன்

தண்ணீர் - 3 கப்

உப்பு - தேவையான அளவு

செய்முறை :

* இஞ்சி, ப.மிளகாயை பொடியாக நறுக்கி கொள்ளவும்.

* ஒரு குக்கரில் 1 டீஸ்பூன் எண்ணெய் ஊற்றி அதில் கோதுமை ரவையை போட்டு லேசாக வறுக்கவும்.

* அடுத்து பாசிப்பருப்பையும் போட்டு லேசாக வறுக்கவும்.

* குக்கரில் 3 கப் தண்ணீர், உப்பு சேர்த்து குக்கரை மூடி 2 விசில் வரும் வரை வேக விடவும். வெந்தவுடன் மூடியைத் திறந்து நன்கு கிளறவும்.

* ஒரு வாணலியில் மீதமுள்ள எண்ணெயை ஊற்றி அதில் மிளகு, ப.மிளகாய், இஞ்சி, சீரகம் போட்டு தாளித்த, பின் முந்திரி, கறிவேப்பிலை போட்டு தாளித்து, பொங்கலில் சேர்த்து நன்கு கிளறி சூடாகப் பரிமாறவும்.

* சுவையான சத்தான கோதுமை ரவை பொங்கல் ரெடி.


Post Comment

Post Comment